Foixko Konderria Frantziako eskualde historikoa da, gaur egun Ariège departamenduaren ekialdea osatzen duena.
Erdi Aroan, Foixko kondeek konderria gobernatu zuten Foix herrian zuten gaztelutik. 1290ean Bearnoko bizkonde bilakatu eta eskualde biek lotu zituzten. Hala ere, konderria bere burujabetasuna mantendu zuen Frantziako erresumaren barnean. XVII. eta XVIII. mendeetan Frantziako hogeita hamahiru gouvernement edo eskualde militarra osatu zuen Frantziako Iraultzara arte bere Estatuak mantenduz. 1790ean bere 2.466 km² lurraldeak Couseransekin batera Ariège sortu zuen.
1999ko erroldaren arabera konderrian zegoen egungo eskualdeak 76.809 biztanle ditu, hiri nagusiak Pamiers (17.715 bizt.) eta Foix (10.378 bizt.) izanik.